O departamento de Servizos Sociais do Concello de Dodro organiza unha excursión aos Canóns do Sil aberta á veciñanza do municipio. A actividade, fixada para o 6 de agosto, ten aberto até este venres 29 de xullo o prazo de inscricións. Segundo advirte o Concello, as prazas son limitadas. Os prezos serán de 20 euros por persoa. A saída está programada paras 7.00 horas e o regreso para as 21.00. Inclúense visitas a Monforte de Lemos, a Castro Caldelas e a Ourense, amais dunha viaxe en catamarán dende Doade até o Mosteiro de Santa Cristina de Ribas de Sil.
