O Concello de Boiro amplía a capacidade máxima para o concerto da Real Filharmonía de Galicia do vindeiro venres 22 de xullo no Pazo de Goiáns ata as 700 persoas. Logo de realizar a instalación do escenario e organizada a
loxística do espazo, aumentouse en duascentas persoas a capacidade para cubrir a demanda de entradas.
O número máximo de entradas que se poden recoller por persoa é de 2 e o reparto farase por orde de chegada. O reparto de novos espazos farase do seguinte xeito:
- Online na páxina web do Concello de Boiro ( www.boiro.gal ) o xoves 21 de xullo a partir das 16.00 horas.
- Presencial na Oficina de Turismo de Boiro o venres 22 de xullo a partir das 10.00 horas.
As reservas online realizaranse cubrindo no formulario que estará dispoñible na web municipal o nome e apelidos, enderezo electrónico e número de contacto. As reservas confirmadas recibirán un correo electrónico de confirmación.
As portas do recinto para asistir ao concerto abriranse ás 20.00 horas e pecharán 10 minutos antes do inicio do espectáculo. Unha vez comezada a actuación non se poderá acceder ao recinto e o espazo deberá quedar en rigoroso silencio. As persoas que teñen o ticket físico terán acceso directo e aquelas que fixesen a reservan online e non recollesen o seu ticket deberán amosar na porta a confirmación da reserva e facilitar os datos cos que foi feita a mesma.
