As persoas participantes no Programa Integrado de Emprego (PIE) que leva a cabo o Concello de Boiro durante o curso 2021-2022 rematou a formación da familia profesional de hotelería, hostalería, alimentación e almacén. Ademais, realizáronse obradoiros de estudos de viabilidade e plans de empresa para achegar o emprendemento ás participantes do programa.
A formación dirixida neste eido empresarial constou de 425 horas formativas nas que se impartiron cursos de xestión de almacén, carretilla elevadora, limpeza e recepción de aloxamentos turísticos, cociña, elaboración de pezas cárnicas, operacións de caixa e atención ao público. Estas actividades pertencen ao Catálogo de Especialidades do Servizo Público de Emprego, desenvoltas no marco do Sistema de Formación Profesional para o emprego no ámbito laboral.
O Programa Integrado de Emprego do Concello de Boiro 2021-2022 está dirixido exclusivamente a mulleres e está financiado pola Consellería de Promoción do Emprego e Igualdade da Xunta de Galicia.
