Boiro vai acoller estes días destacados espectáculos en clave familiar. Unha destas citas para rapaces (e maiores) está programada para este 22 de xullo e trátase do espectáculo Circanelo. Será na praia da Ribeira Grande, en Cabo de Cruz, o venres 22 a partir das 20.00 horas.
Circanelo é unha contribución artística de N+1 Teatro Circo Danza, dirixida por Alfredo Pérez Muíño. Constitúe unha proposta de teatro xestual, danza e acrobacia, cun personaxe de “múltiples recursos” que combina diferentes disciplinas escénicas e circenses co nexo común dun “marcado rexistro clown”.
