O 16 de xullo comezan as viaxes en veleiro con saída dende A Pobra do Caramiñal para dar a coñecer o patrimonio medioambiental, marítimo e paisaxístico “dunha maneira diferente”, sendo explicou a titular da Concellaría do Turismo, Charo Varela (Nós Pobra).
O Mascato partirá nos sábados e domingos dos meses punteiros da época estival. Concretamente, as seguintes excursións serán nos días 17, 23, 24, 30 e 31 de xullo; e 6, 7, 13, 14, 20 e 21 de agosto. A duración do traxecto é dunha hora e media e as travesías serán en quenda de mañá e de tarde: ás 11.00, 13.00, 17.00 e 19.00 horas.
O importe a pagar é de 15 euros para persoas adultas e de 10 euros para menores de 12 anos, con desconto para as familias.
A cabida está limitada a 10 prazas, que se deberán reservar previamente no punto de información turística (situado na Casa Mariñeira), no enderezo electrónico turismo@apobra.gal ou nos teléfonos de contacto 671090262 e 687482835.
