O Concello de Porto está a intensificar o traballo neste inicio do verán para mellorar infraestruturas, accesos e servizos, poñendo o foco en optimizar a seguridade de estradas, camiños e beirarrúas e, tamén, a accesibilidade e a comodidade dos usuarios que acceden ás praias e aos puntos de interese turístico. Neste punto de inflexión entre o mes de xuño e o de xullo actuouse nos seguintes puntos:
Na parroquia de Miñortos, acondicionando a contorna das fontes e dos antigos lavadoiros, incluíndo tamén nestes traballos a Casa da Cultura.
En Carballosa, achegando máis accesibilidade e comodidade ás beirarrúas e rozando o parque infantil.
Na parroquia de Caamaño, co acondicionamento con saburra do acceso á concorrida praia de Boca do Río.
En Guiandón, coa mellora dos accesos por estrada.
Na parroquia de Xuño, co despregue de saburra nos accesos e o estacionamento da praia das Furnas.
