Ao abeiro do programa de actividades de lecer de verán para veciñas e veciños de todas as idades, o Concello de Outes organiza o programa de actividades deportivas Prazas en Movemento, con propostas variadas en diferentes recantos do concello, a desenvolver de luns a xoves. O luns o programa céntrase na praza de Galicia, con zumba para nenas e nenos a partir das 11.00 horas. O martes será na praza do Bosque, con pilates a partir das 10.00 horas, e na praza de Galicia, con zumba para adultos a partir das 21.30 horas. O mércores a protagonista será a praza do Bosque, con pilates a partir das 20.30 horas e full body a partir das 21.30 horas. O xoves haberá (na praza de Galicia) body jump para nenos a partir das 21.00 e body jump para adultos das 21.30 horas en adiante. En caso de chuvia, as actividades da praza de Galicia trasladaranse ao Pavillón de A Serra, e as da praza do Bosque ao Pavillón de Cruceiro de Roo.
