O Concello de Dodro lanzou unha nova edición da súa Escola de Verán, convocatoria 2022, co obxectivo de achegar formación e lecer á rapazada local nesta tempada estival ao tempo que se facilita a actividade laboral das nais e dos pais (Concilia Dodro 2022). A Escola de Verán comezou este 1 de xullo coas súas quincenas do mes completas. O horario é de 9.30 a 13.30 horas. Quen precise información sobre o programa e as actividades pode chamar ao 618 186 008 e (para avisos fóra do horario) ao 677 555 748. A Escola de Verán estase a desenvolver no CEIP Eusebio Lorenzo Baleirón. Trátase de actividades gratuítas para nenos e nenas de 3 a 12 anos.
