Dous dos tripulantes do buque galego perderon a vida debido á inhalación de amoníaco tras producirse unha fuga nas illas Seychelles, polo que os médicos forenses víronse obrigados a atrasar as autopsias
Os corpos dos mariñeiros falecidos no pesqueiro galego Albacora Catro chegaron hoxe a Galicia.
Tal como informamos en “obarbanza.gal” o pasado 15 de xuño dous dos tripulantes do buque perderon a vida debido á inhalación de amoníaco tras producirse unha fuga mentres o barco estaba a ser reparado nas Illas Seychelles.
Os cadáveres foron trasladados a España, chegando a Madrid na madrugada deste venres. Desde alí, foron transportados ata Galicia por terra.
Os restos mortais de Francisco Cameán Santos, o mais mozo dos dous mariñeiros da comarca, foron soterrados en Santa Mariña de Xuño a onde foron trasladados ás sete e media da tarde desde o Tanatorio “Los Dolores” de Xarás en Ribeira.
Pola sua banda os restos mortais de Angel Boo Vidal, chegaron na madrugada do sábado o Tanatorio do Barbanza en Xarás, onde tivo lugar o velorio desde as 10 da mañá ata as 23 horas, procedendose a súa incineración nun acto familiar privado.
