Dende a organización Somos Human@s, Somos Refuxio veñen de informar dunha mobilización, este venres en Ribeira, en protesta pola actuación dos Gobernos español e marroquí en referencia ao recente salto masivo do valo de Melilla. Trátase, en concreto, dunha convocatoria de concentración para expresar o rexeitamento da sociedade á “masacre levada a cabo polas forzas de seguridade españolas e marroquís contra persoas cuxo único obxectivo era conquerir unha vida digna”.
A mobilización será este venres 1 de xullo, ás 20.30 na praza do Concello de Ribeira.
