O Concello de Porto do Son comezou o verán lembrando a cidadáns e visitantes a dispoñibilidade dun servizo gratuíto de acceso a Internet que está operativo en diferentes espazos públicos do termo municipal, un total de sete (cinco parroquias). A posta en marcha destes accesos Wi-Fi sen fíos foi posíbel grazas á participación do Concello no proxecto europeo WiFi4EU (do que tamén se benefician Rianxo e Ribeira), impulsado dende a Axencia Executiva de Innovación e Redes (INES) da Comisión Europea.
✅ Casa de Cultura de #Miñortos
✅ Casa de Cultura de #Portosín
✅ Praza do Curro de Portosín
✅ Casa de Cultura de #Queiruga
✅ Casa de Cultura de #SanPedro
✅ Biblioteca de Porto do Son
✅ Praza de España de Porto do Son
Procedemento
Para poder tirar proveito do servizo, deberemos identificar un número de teléfono móbil para recibir logo un SMS co usuario e contrasinal aleatorios que debemos utilizar para autenticarnos no portal do proxecto.
Desta forma cúmprese ademais cos requirimentos legais da RGPD e permite no seu caso, a identificación dun usuario final a través do número de móbil proporcionado no sistema.
O SSID ou nome da rede Wi-Fi difundida é: Wifi4 EU – PortodoSon.
O tipo de rede é aberto con autenticación “por portal cautivo”, informa o Concello, engadindo que este sistema permite que cando un dispositivo se conecte á rede Wi-Fi, abra automaticamente un navegador mostrando o portal do acceso. Este pode ser visitado tamén dende un navegador.
As credenciais facilitadas teñen unha validez de 24h aínda que, o seu uso está limitado a 12 h. a partir do primeiro acceso
