O Torneo Internacional Jealsa de fútbol base – Concello de Boiro que se celebrou os días 28 e 29 de xuño en Barraña, recada 10.105 euros para a Fundación Aladina. O alcalde, José Ramón Romero, e o organizador do torneo e membro de Aladina, Julio Mariño, fixeron esta mañá a presentación e entrega
do cheque coa recadación.
O alcalde, José Ramón Romero, agradeceu a implicación da organización, das entidades e persoas colaboradoras e de todas as persoas participantes e asistentes e que se materializou “nuns moi bos resultados de recadación en beneficio da Fundación Aladina”. Ademais o alcalde resaltou a
importancia e repercusión económica e de promoción que eventos como este, que atraen a moita xente, teñen sobre o municipio.
O organizador do evento, Julio Mariño, agradeceu a todos os colaboradores que axudaron a que o torneo se levase a cabo, a todos os patrocinadores e tamén a todas as persoas que colaboraron na organización.
“É un orgullo para min poder facer entrega deste cheque coa recadación á Fundación Aladina”, afirmou Julio.
