A Concellería de Deportes do Concello de Outes organiza a XIII Carreira Pedestre de Outes, que está prevista para o vindeiro martes 17 de maio, Día das Letras Galegas, a partir das 10.00 horas, con saída e chegada na praza de Galicia, na Serra.
Haberá tres distancias principais a percorrer: unha de 10.000 metros para as categorías adultos, e dúas de 3.000 e 1.000 para as e os deportistas xuvenís e infantís. Complétanse estas tres distancias con outras catro para benxamíns (450 metros), prebenxamíns (225 metros), pitufos (100 metros) e chupetes (50 metros). As inscricións cómpre facelas a través da web www.championchipnorte.com. Ante calquera dúbida relacionada co proceso de inscrición podemos dirixirnos ao teléfono 982816884 ou a consulta@championchipnorte.com.
