A Asociación Boirense de Empresarios (ABE) deu a coñecer o nome das persoas premiadas na campaña de promoción comercial impulsada con motivo do Día da Nai e destinada a “incentivar as ventas nos establecementos locais”. Este luns 2 de maio realizouse o sorteo de cinco bonos ABE de 30 euros cada un entre todas as persoas que rexistraron os seus tíckets en www.abe.gal ou facturas das compras realizadas en calquera empresa asociada á ABE entre o 15 de abril e o 1 de maio.
“A campaña”, sinalou a patronal, “tivo moito éxito entre os clientes xa que, dentro das datas indicadas, realizáronse 328 rexistros”. A ABE informa que as persoas premiadas aínda teñen a posibilidade de dobrar o seu premio se acreditan a condición de familia numerosa.
