Como complemento á programación de Semana Santa, xa se pode contemplar no Malecón
da cidade a exposición fotográfica ao aire libre sobre esta festividade por iniciativa da Concellería de Cultura de Ribeira que dirixe a edil María Sampedro.
A mostra (titulada “Fe, arte, contemplación”) consta dunha vintena de imaxes en gran formato (con dimensións de dous metros por dous metros) tomadas pola empresa local Lesmes Fotógrafos nas que se
captan distintos momentos alusivos a esta celebración.
Esta é a segunda vez que se exhibe logo de que o ano pasado se instalase no adro da igrexa de Santa Uxía.
