O Concello de Ribeira informa de que no día de hoxe a Secretaría Xeral para o Deporte da Xunta e o Concello vén de volver a sacar a licitación as obras de ampliación do Complexo Deportivo de A Fieiteira a través da construcion dun Módulo Cuberto de Atletismo: unha intervención que resultara deserta cando se sacou a contratación no verán pasado a raíz do encarecemento de parte dos materiais de construción.
Neste senso, o novo orzamento logo de actualizar os custes ascende a un total de 1.322.173,55 euros, IVE incluído. O prazo de execución son 12 meses.
O pavillón albergará unha zona de adestramento cuberta para atletismo mediante un módulo que conta con pista de 5 rúas, zona de saltos, lanzamentos; espazos para ximnasio, sala de musculación e actividades de tecnificación para a práctica do taekwondo; construción de novos vestiarios, aseos e duchas e o seu equipamento; ademais das reformas de accesibilidade e acceso ao primeiro andar.
A obra está cofinanciada polo Concello de Ribeira e a Secretaría Xeral para o Deporte.
