M. A.- O Rotogal Boiro fixo os deberes e, cun triunfo na pista do Intasa San Sadurniño (1-3), ascendeu á quinta posición. Os de Marcelo Benavídez tratarán de defendela o sábado na cancha do Feníe Enerxía Mallorca, na última xornada da primeira fase da Superliga. A pesar da baixa de Mario Iglesias, por motivos laborais, os boirenses callaron un encontro moi sólido. Destacaron na recepción e no K1 ante un rival que tratou de reaccionar no segundo set, pero que acabou superado pola tensión do que estaba en xogo e polas boas prestacións dun adversario que brillou na rotación.
O Rotogal Boiro Voleibol iniciou o derbi cunha marcha máis. Cun gran acerto no saque, foi quen de desarmar a un Intasa San Sadurniño que axiña viuse moi por baixo no marcador. Os de Marcelo Benavídez pecharon a primeira manga pola vía rápida (16-25). No entanto, os locais trataron de rexurdir no segundo set. Unha boa serie no saque de Leozao deulles unha lixeira vantaxe que os da Cachada non puideron neutralizar (25-21).
No terceiro set, as augas regresaron á súa canle. O Rotogal Boiro Voleibol elevou as prestacións na recepción e no bloqueo-defensa. Obrigou ao San Sadurniño a arriscar máis e a tratar de presionar a un conxunto boirense que se desempeñou con solvencia e tranquilidade. Cun 22-25 no segundo set e un 18-25 no cuarto, pecharon o partido (1-3).
Intasa San Sadurniño, 1: Coto, Verdi, Keegan, Francisco Fernández, Boris Rodríguez, Leoazo e Piñón (líbero). Silva e Roi Losada.
Rotogal Boiro Voleibol, 3: Gaby del Carmen, José García, José Carlos Romero, Felipe Benavídez, Renan Levandoski, Gaspar Bitar e Adrián Alves (líbero). También jugaron Martín Casais, Alan Davila e Ismael Martínez.
Sets: 0-1 (16-25). 1-1 (25-21), 1-2 (22-25) y 1-3 (18-25).
Árbitros: Diego Rodríguez e Pedro Pidal.
Incidencias: partido disputado no Pavillón Municipal de San Sandurniño ante uns 250 espectadores.
