O humor e a retranca galega van ser protagonistas estes mes de maio en Porto do Son, grazas ao Ciclo de Monólogos impulsado polo Concello. Deste xeito, pasarán pola Casa da Cultura os actores e humoristas Luis Zahera (cuxa visita anunciamos xa no Barbanza) e Pepo Suevos, este último o 21 de maio na Casa da Cultura a partir das 20.00 horas. Nos dous casos indícase á cidadanía que as entradas poden adquirirse na oficina de cultura municipal.
José López-Suevos Otero, máis coñecido como Pepo Suevos, nado en Ferrol en 1971, é un actor galego. Comezou coma contacontos e desde entón ten participado en multitude de longametraxes con papeis secundarios, así coma na maioría das series máis coñecidas da TVG e nalgúns programas de televisión. Conta con grande experiencia coma contacontos e cómico.
