Luis Zahera estará en maio en Porto do Son ao abeiro do Ciclo de Monólogos do Concello

O actor, monologuista e humorista Luis Zahera, unha das grandes estrelas do cinema galego e estatal das últimas décadas, estará os días vindeiros en Porto do Son para ofrecer un espectáculo de narracións orais e retranca, pasado polo filtro persoal do seu xeito particular de ver o mundo. Farao ao abeiro do Ciclo de Monólogos de Porto do Son impulsado dende a área de Cultura do Concello. Será o 28 de maio ás 20.00 horas na Casa da Cultura de Porto do Son. Segundo informou o Concello, as entradas poden mercarse na Oficina de Cultura municipal.

José Luis Castro Zahera, nado en Santiago de Compostela o 12 de outubro de 1966, é un actor galego coñecido artisticamente como Luis Zahera. Deu o chimpo definitivo á fama grazas á serie Mareas vivas, onde encarnaba ao personaxe Petróleo, que é o alcume polo que aínda o coñecen os seareiros da mítica serie da CRTVG. Neste intre, logo das súas meritorias actuacións na serie Vivir sen permiso e no filme El Reino de Rodrigo Sorogoyen, onde interpretaba a un empresario con fortes vencellos coa política máis corrupta, volve estar en primeira liña coa estrea de Operación Marea Negra, rodada en parte no Barbanza.