A Audiencia Provincial da Coruña celebrará esta semana o xuízo contra un veciño de Ribeira ao que a Fiscalía acusa de cometer un delito de atentado despois de, presuntamente, agredir a catro axentes da Policía que acudiron ao seu domicilio para identificalo.
Segundo a Fiscalía os feitos ocorreron o pasado 31 maio do 2018 en Ribeira despois de que o acusado tivese un suposto altercado coa súa parella no seu domicilio. Unha vez que os axentes chegaron ao lugar, o home adoptou unha actitude «agresiva e desafiante, negándose a identificarse». Segundo o informe o detido empuxou a un dos axentes, que caeu, golpeándose a cadeira e a man dereita, e propinándolle golpes nas pernas e puñadas no corpo a outro deles. Un terceiro policía interveu para axudar aos seus compañeiros, recibindo golpes no xeonllo dereito e na fronte e un cuarto recibiu unha puñada no abdome.
Unha vez que lograron reducilo, o acusado seguiu propinando patadas e cabezazos, tanto dentro do ascensor do inmoble como no vehículo policial. No curso da inmobilización, a Fiscalía considera que tres dos policías se extralimitaron no uso da forza, chegando a propinar patadas e puñadas ao detido é polo que tamén solicite penas de dous meses de multa por un presunto delito leve de lesións ós axentes.
A fiscalis solicita unha pena dun ano e medio de cárcere e dous meses de multa con cota diaria de 8 euros. Para os axentes que supostamente incorreron nun delito leve de lesións solicítaselles a mesma indemnización. No referente ás indemnizacións por responsabilidade civil, o acusado debería pagar 2.360 euros aos axentes, mentres que eles abonarían de forma conxunta 460.
