O Concello da Pobra do Caramiñal anunciou a súa adhesión á iniciativa da FEMP (Federación Española de Municipios e Provincias) na que se convoca para o 9 de marzo, ás 12.00 horas, un acto en solidariedade co pobo ucraíno consistente nunha concentración silenciosa de cinco minutos fronte a Casa Consistorial, amosando así o apoio a tódalas persoas que están sufrindo as consecuencias do conflito bélico.
O Goberno municipal rexeita a actual situación e condena a invasión por parte do exército ruso do territorio ucraíno, solicitando o cesamento inmediato de calquera acción de carácter bélico.
