Ao abeiro do ciclo escénico afeccionado que se desenvolve no Teatro Cine Elma da Pobra do Caramiñal neste mes de marzo, o Grupo Municipal de Teatro de Ribeira representará no dito auditorio local O rei Telesforo busca noiva. Será no día 13, ás 19.00 horas.
Trátase dunha comedia con moitos enredos e bastante retranca, coa intención de conseguir que o público esqueza os seus problemas diarios e desfrute do teatro, do humor e da sátira.
As persoas interesadas en asistir de público poden reserva-la súa entrada de balde na casa da cultura e xuventude Raquel Fernández Soler ou a través do teléfono de contacto 981831545.
Organiza a Concellaría da Cultura, da cal é titular a edil Patricia Lojo (PSdeG-PSOE), en colaboración coa Rede Cultural da Deputación da Coruña.
