Media ducia de rapaces e rapazas do Centro de Educación Especial (CEEPR) da Asociación Amicos (con sede en Oleiros, Ribeira, e cun radio de acción que cubre toda a nosa comarca e outros concellos) achegáronse este venres 25 de febreiro até A Pobra do Caramiñal para coñecer as dependencias da Policía Local e o día a día das e dos axentes.
Acompañados do xefe do corpo, José Manuel Cameán, e de varios dos axentes, tiveron ocasión de subirse a algún dos vehículos e coñecer os recursos cos que se conta.
Esta visita é froito dunha iniciativa da nomeada asociación polo Día de San Valentín, na que as os alumnos e alumnas expoñían en cartas aquelas cousas que lles gustaban, sendo para un destes rapaces, a Policía Local da Pobra do Caramiñal cando pasa coas luces e sereas.
