M.A.- O partido entre o San Sadurniño e o Rotogal Boiro Voleibol, correspondente á décimo terceira xornada da Superliga masculina, celebrarase finalmente o mércores 16 de marzo, ás 19.00 horas, no Pavillón Municipal de San Sadurniño.
O encontro aprazouse en dúas ocasións (o 8 de xaneiro e o 9 de febreiro) despois de que varios xogadores do conxunto local desen positivo por COVID-19.
O Rotogal Boiro Voleibol, que inicia esta tarde ás 20.00 horas a súa participación na Copa do Rei contra o Unicaja Almería, xa se asegurou a presenza no play off polo título da Superliga tras impoñerse o luns ao Teruel (0-3).
