20190930. A primeira colección prêt-à-porter, outono/inverno 2019-2020 de Pertegaz inaugura a súa tenda online. Deste xeito, desembarca no universo dixital –https://pertegazshop.com– da man de Jealfer, empresa galega con 65 anos de experiencia no sector téxtil e licenciataria internacional da marca.
A casa aposta nesta colección por prendas de día con carácter urbano e cortes xastre, mentres que para a noite, recupera pezas sofisticadas e maxestosas. A serie materialízase a través de siluetas estruturadas, con esaxerados volumes, mangas amplas e prendas que se recollen e drapean de xeito continuo.
Respecto aos tecidos, están presentes os brocados e devorés, os paños de lá-cashmere, a lá fría e o tafetán de seda.
Ademais, ofrece conxuntos repletos de flores, patas de gallo e estampados pañuelo, acompañando a pezas de punto bordadas, vestido cóctel con pedrería ou adornos de cristal e plumas. Todas estas prendas percorren os tons predilectos de Manuel Pertegaz, cunha paleta de cores que vai desde o branco e negro ao vermello ou ao camel, con pinceladas en turquesa, laranxa, rosa claro e coral. Tamén adquire relevancia o fucsia nas etiquetas de tódalas pezas, sendo, así mesmo, a cor representativa desta nova etapa.
Para obter este resultado, o equipo creativo realizou unha viaxe aos anos oitenta de Manuel Pertegaz e, unha vez somerxidos nos arquivos da casa, interpretaron patróns, volumes e estampados, actualizando o legado do mestre para “a muller de hoxe.”
Deste xeito, a época dos oitenta, as súas reminiscencias barrocas e a esaxeración das formas son a base de #MUYPERTEGAZ, converténdose en punto de partida desta serie o vestido de cóctel confeccionado en faille de seda vermella, con escote palabra de honor e gran lazada creado en 1980.
Así, regresan as lazadas, drapeados, acabados metalizados, voluminosas ombreiras e os traxes xastre ao estilo de Pat Cleveland. #MUYPERTEGAZ é “unha oda ao atrevemento, á sinxeleza dos seus deseños, ao artesanal, ao dominio do corte e ao patrón, á selección de tecidos, ás cores escollidas meticulosamente e ás prendas vivas porque más sempre é máis.”
Desde Pertegaz sinalan que o novo prêt-à-porter baséase na filosofía do “luxo mate ao que aspira a muller que aprecia e sente a moda de forma singular, sen caer na superficialidade nin o efectismo”, tales coma mulleres de “finura distinguida e un glamour sereno e delicado.” En palabras do creador, “mulleres cisne: fráxiles e maxestosas ao mesmo tempo.”
