Con motivo das obras de renovación da liña xeral de abastecemento que se están executando no lugar da Mámoa, o Concello de Ribeira advertiu de que este martes 1 de febreiro, de 15 a 20 horas, está programada a realización de traballos que poden afectar ao subministro nos lugares da Mámoa, Laxes e entre Aldea e Poi en Castiñeiras.
Neste senso, o Concello advirte da posibilidade de que os veciños noten “unha menor presión de auga”, podéndose chegar a interromper puntualmente o subministro nas zonas altas da área afectada.
