A Xunta de Goberno local de Boiro celebrada este mércores 26 de xaneiro deu luz verde á compra de mobiliario urbano para substituír o que se atope en mal estado e, tamén, equipar aqueles lugares que non dispoñen del. Entre as compras que se van realizar está o subministro de papeleiras, bancos e cinceiros.
O Concello de Boiro destina para o devandito un importe de 20.000 euros. O obxectivo é “humanizar as rúas e tamén de substituír aqueles elementos que se atopan en malas condicións ou en deterioro debido ao paso do tempo”, indicaron fontes do Consistorio.
O mobiliario adquirido son bancos, papeleiras e cinceiros, que se colocarán nas vindeiras semanas en diversos puntos do termo municipal. “Detectamos que a falta de papeleiras e outro mobiliario era acusada en moitos puntos, coa colocación destes elementos buscamos a humanización de rúas e principais núcleos de poboación”, afirmou o alcalde, José Ramón Romero.
