O Concello de Boiro e ANEDIA, a Asociación de nenas, nenos e xente nova con diabetes en Galicia celebran este domingo o Día Mundial da Diabetes coa proxección dun vídeo realizado pola asociación para dar visibilidade a esta enfermidade. Amais, ás 19.00 horas vaise realizar, na praza do Concello, o acendido da iluminación azul da fachada da Casa Consistorial e a proxección do vídeo.
O obxectivo desta xornada é dar visibilidade a unha enfermidade crónica e autoinmune que afecta a máis dun milleiro de nenos e nenas e a varios miles de galegos e galegas.
O Concello de Boiro, a través da Concellería de Educación, traballa para levar a cabo actividades e propostas que axuden a dar visibilidade á diabetes de tipo 1 e que axuden á integración dos menores e xente nova con esta enfermidade.
