Este sábado 23 de outubro, con saída ás 14:00 nas inmediacións da Pobra do Caramiñal, celebrarase a terceira proba do catro que dan forma á Regata Alca, organizada polo Club Náutico Arousa Norte (A Pobra do Caramiñal).
En ORC A, a embarcación Chispetrén, de Jesús Iglesias, chega como líder despois de sumar dous primeiros postos noutras tantas mangas disputadas. Acompáñalle no podio provisional o Mus, de Rafael Villanueva e o Alpha de Manuel Nieto.
En ORC B, o rianxeiro Piolín mantén o liderado grazas ao primeiro posto na primeira manga pero unha picada na segunda deixa esta categoría moi aberta, coas catro primeiras embarcacións separadas por un punto entre elas.
O Orlando, do Náutico Arousa Norte, na Clase ORC C domina con dous primeiros aos seus rivais, pero a escasa diferenza con todos eles non lle permite un tropezón. O Galopín e o Piko Norte esperan a súa oportunidade para apertar máis esta clase e deixar todo aberto para a última manga.
O parte meteorolóxico augura un día con ventos frouxos de compoñente sur, o que pode abrir aínda máis as opcións tácticas dos patróns nun percorrido costeiro polo interior da ría de Arousa.
