Este venres 15 de outubro vaise celebrar no local Leñaverde (Centro Social) a segunda edición de Boiro Emerxe, un faladoiro de conversas inspiradoras co talento local e que teñen como obxectivo “dar a coñecer o potencial creativo da mocidade boirense”. A cita dará comezo ás 20.00 horas. A capacidade será limitada, e as entradas deberán solicitarse a través da web municipal.
Persoas convidadas:
– Manu Sobral, The Cuncas
– Sara Ollero, Da Ria Luv
– Mario Brión, Olaxonmario
O encontro vaise retransmitir vía streaming e poderase seguir en directo a través da canle de YouTube do Concello de Boiro.
