A Pobra do Caramiñal continúa inmersa na programación da vixésimo terceira edición das Xornadas de Homenaxe a Valle-Inclán, que se estenderá ao longo de todo o mes de outubro. Así, para esta mesma fin de semana están
programadas dúas citas.
José Antonio Ponte Far ofrecerá no venres 15, ás 20.00 horas, a conferencia O pazo na obra literaria de Valle-Inclán, Pardo Bazán e Torrente Ballester. Será no Auditorio do Museo Valle-Inclán.
E, no sábado 16, ás 20.00 horas, Tatana Teatro encargarase de representar sobre as táboas do Elma a función Ouróboro. O retorno de Luces de Bohemia.
A entrada é de balde e as persoas interesadas en asistir deberán formaliza-la súa reserva a través do enderezo electrónico museo.valleinclan@apobra.gal ou dos teléfonos de contacto 981831662 e seguiranse as medidas establecidas por mor da COVID-19.
Todas as zonas de baño da nosa comarca teñen augas excelentes agás Testal e Virxe do Camiño
O 97% das zonas rexistradas no censo de augas de baño de Galicia conta cunha clasificación sanitaria de excelente ou boa. Así se recolle no informe final sobre o Programa de vixilancia sanitaria das zonas de baño 2023 elaborado pola Dirección Xeral de Saúde Pública da...