Excéntricas recala en Rianxo coa súa nova peza teatral: Estrela do día

23 Setembro 2021

A compañía Excéntricas na que milita Quico Cadaval (Carreira, Ribeira, 1960), vai estar en Rianxo en outubro para presentar un dos seus novos espectáculos: a peza teatral Estrela do día. Será o día 9 sábado ás 20.30 horas, na Sala Arcos Moldes do Auditorio. A obra, para público maior de 13 anos e cunha duración de 100 minutos, vén con entrada gratuíta (que cómpre reservar na web municipal). Trátase dunha peza moi indicada, en palabras de Excéntricas, “para iluminar estes sombríos tempos de escuridade e desánimo”. Haberá, para escorrentar o desalento que nos corroe (agravado pola crise pandémica e as súas diferentes e preocupantes vertentes), música, comedia, sorpresas, cor, emoción e fortaleza. Ou sexa, “toda a divina parafernalia do teatro”.

Respecto do argumento, trátase dunha revisión dos milagres de Santa María aplicados aos problemas actuais, moi semellantes, curiosamente, aos que padecía a xente que viviu no século XIII. Así, pasarán por diante dos nosos ollos soldados que foxen da guerra, unha mociña obrigada a casar con quen non quere, xente expulsada dos seus fogares, presos que acaban na cadea por roubar comida, unha monxa que foxe dun convento, etc. Dramas resolvidos pola intervención milagreira de María “con aparicións dignas da mellor vedette de varietés”.

Outros artigos

Publicidade

Revista en papel

Opinión

“Eu tamén quixen bailar coma Javi” – Fernando Sarasketa

“Eu tamén quixen bailar coma Javi” – Fernando Sarasketa

Foto de Javi Bermúdez na Sala Real Acababa de chover e Javi empuxoume con firmesa coas dúas mans para poñerme debaixo dunha pingueira. Unha pinga conxelada caeu serteira no meu lombo pasando áxil a rentes da caluga e da camiseta, sen tocalas. “Agora xa sabes o que se...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.