Kaydy Cain, prato forte da nova edición do Rompetiño Jump en Porto do Son

Quen queira cultura urbana e tomarlle o pulso ás máis punteiras creativas creativas e deportivas da nosa mocidade, mellor que non ande moi lonxe de Porto do Son a vindeira fin de semana. De feito, a vila acolle a celebración dun dos eventos xuvenís máis destacados da tempada en Galicia, a nova edición do Rompetiño Jump, que se celebra entre o 3 e o 5 de setembro (de venres a domingo, sendo as dúas primeiras xornadas as adicadas á música). As entradas para participar nas actividades están á venda xa na plataforma Woutik. Acudirán artistas como por exemplo Kaydy Cain, Delaossa Picasso, Mayo 214, Dirty Porko ou Israel B.

O venres 3 dará comezo o festival ás 15.00 da tarde cunha Rock Session que se estenderá até as 17.00, intre no que arrincarán as actuacións de artistas urbanos como J Dose ou Dirty Porko, entre outros. Ás 23.00 horas chegarán un dos cumios do programa do certame, cunha sesión musical a cargo do artista madrileño Kaydy Cain, cabeza do cartel do Rompetiño e un dos grandes referentes actuais da música urbana. Actuará xusto despois de DJ Mil e coas actuacións de Mayo 214, Face e Dirty Porko xa rematadas. A música volverá o sábado 4 de setembro dende as 15.00 da tarde até as 2.30 horas da madrugada (os dous días).