Dende Boiro Novo amosan a súa preocupación pola situación de parálise na que se atopa o Concello. A maioría dos proxectos aprobados polo pleno da corporación están,din, sen executar, e os que si se chegan a iniciar, execútanse a un ritmo extremadamente lento. Mentres tanto ven como o goberno do PSOE perde o tempo en xustificar esta parálise con cortinas de fume como mocións de confianza e panfletos propagandísticos que custan aos boirenses miles de euros.
Un dos exemplos desta situación “de parálise” son, segundo Boiro Novo, as obras da nova sede do clube e remo, paradas por falta de financiamento: “Xa hai máis de 1 mes que lle trasladamos ao goberno do PSOE que proxectos da envergadura e urxencia como este non deberan de estar suxeitos a outras estratexias, nin mercadeos políticos, debéndose traer ao pleno por separado, en un punto específico da orde do día para facilitar de forma áxil e precisa o seu tramite de aprobación e non como un simple apartado dunha morea de obras varias”. E engaden: “O Goberno non pode seguir perdendo o tempo en operacións de marketing e propaganda partidista buscando pasar a pelota ao tellado de outros cando cando é a súa respansabilidade e existen fórmulas de sobra para sacar estes proxectos urxentes adiante. Xa pasou o mes de xullo sen que o PSOE convocase o pleno municipal, desaproveitando unha oportunidade de ouro para avanzar neste aspecto e rematar dunha vez estas necesarias instalacións para o club de remo. Por iso dende a nosa asemblea instamos ao goberno que se centre mais nas obras que hai pendentes e menos en perder o tempo, declaracións de intencións, cortinas de fume e outras extratexias políticas”.
