Gonzalo Trenor, delegado da Xunta na Coruña, estivo este xoves 22 de xullo en Porto do Son para comprobar as novas instalacións locais para a práctica do skate, cuxas obras foron co-financiadas polo Concello e a Xunta (Secretaría Xeral para o Deporte). Trátase dunha zona deportiva renovada de 480 metros cadrados, emprazada no paseo de Brañón, que contou contou cun orzamento total de case 50.000 euros. Na súa visita Trenor estivo acompañado polo alcalde Luis Oujo. As instalacións, cuxo principal material construtivo é o formigón, inclúen dúas plataformas para práctica do dito deporte urbano.
Esta nova instalación para a práctica de deportes urbanos foi co-financiada polo Concello con 20.900 euros e pola Secretaria Xeral para o Deporte que aportou 25.000 euros.
Trenor destacou a importancia crecente que “están a ter os novos deportes urbanos” e salientou a tradición de Porto do Son que conta cunha escola de skate e cada ano celebra o Rompetiño que este ano celébrase no mes de setembro.
O novo parque permitirá conta con diferentes elementos que permiten realizar tanto skate como parkour. A intención, engadiu Trenor, é que esta nova instalación siga medrando e incorporando novos elementos.
