20190902. A Pobra do Caramiñal celebrou este domingo a Festa do Centenario de Valle-Inclán na Curota para conmemorar os 100 anos daquela fotografía onde o escritor aparece subido nun carro de vacas nunha romaxe organizada pola veciñanza pobrense para festexar o feito de que trasladara o seu domicilio ao municipio, declarando na prensa nacional e internacional que se convertía así en residente. Para tal efeméride, a vila trasladouse ao pasado a través dunha ampla programación e 12 horas de troula ininterrompidamente.
Así, a cita constou de xantar campestre no miradoiro de Valle-Inclán, roteiros, figurantes e romaxe itinerante, entre outros. Ademais, o Cantón da Leña engalanouse de época para acoller o mercado tradicional con palilleiras, sancosmeiros, oleiro e postos de comida e bebida.
