O panorama festivo das nosas localidades comeza xa súa a gráfica ascendente propia do verán, compaxinando á perfección uns carteis completiños de actividades coas máis rigorosas medidas de seguridade sanitaria. Esta fin de semana é a quenda do histórico barrio de Bandourrío en Ribeira, que celebra as súas festas de verán.
As actividades comezan o venres, cun concerto de Adolfo FH no Desván. Ao día seguinte a xornada comeza con bombas de palenque ás 9.00 horas e prosegue pola tarde, ás 18.00 horas, con inchables de auga para as nenas e nenos. Ás 20.00 horas está previsto un torneo de futbolín organizado polo Retablo e ás 22.00 un concerto a cargo de Os Viqueiras.
Ao día seguinte, domingo 27, a festa comeza ás 11.00 horas cunha ruada a cargo de Os Liantes (Artes), para despois, ás 12.30 horas, celebrarse unha misa na honra da Virxe do Socorro na Igrexa Parroquial de Ribeira. Ao seu remate, ás 13.15, actuará a banda The Blow na praza de Teruel, en Bandourrío. Polo serán, ás 21.00 horas, celebrarase a Gala Tahúme Fin de Curso 2021.
Amais de todo o devandito, o domingo celebrarase durante toda a xornada un mercadiño artesanal na praza de Teruel.
