A subdelegada do Goberno na Coruña, María Rivas, e a presidenta de SIEPSE (Sociedad de Infraestructuras y Equipamientos Penitenciarios y de la Seguridad del Estado), Mercedes Gallizo, fixeron este 23 de xuño unha visita ás obras da nova Comisaría situada na avenida das Airós de Ribeira: unha actuación que está a afrontar o seu treito final sendo as previsións de remate o vindeiro o mes de agosto.
Na estadía no novo inmóbel tamén participaron, entre outros representantes de diversas administracións e institucións, a primeira tenente de alcalde María Sampedro; o comisario da Policía Local de Ribeira, Diego Amaya; outros membros da Corporación ribeirense; e representantes da empresa encargada da construción do edificio, Obras y Servicios Gómez Crespo. A nova comisaría comporta un investimento de 2.592.519 euros. Conta con catro andares e, entre outras dependencias, contará con oficinas de atención ao cidadán, expedición de DNI, grupo local de seguridade cidadá, arquivo, galería de rito ou armería.
Equipamentos
Unha vez conclúa a obra, só restará dotar de equipamentos á infraestrutura, o que xa está en licitación.
Para a construción do novo inmóbel (que substitúe o xa existente na avenida Miguel Rodríguez Bautista de Ribeira) o Concello de Ribeira aportou os terreos onde se levanta, de máis de 2.100 metros de extensión. Nas súas inmediacións situarase o futuro Punto de Encontro Familiar de Barbanza, tamén en obras.
