O Museo do Gravado de Artes vai realizar esta fin de semana un novo curso de gravado, unha actividade formativa que ficaba pendente dende xaneiro e que non se puido desenvolver no seu día debido á pandemia.
Agora, materializarase entre 18 ao 20 de xuño baixo o seguinte horario:
-Venres, 18 de xuño 2021: de 16.00 a 20.00 h
-Sábado, 19 de xuño 2020: de 10.00 a 14.00 h. e de 16.00 a 20.00 h
-Domingo, 20 de xuño de 2020: de 10.00 a 14.00 h
O curso de gravado á pluma será impartido polo catedrático de gravado José Fuentes Esteve e Antonio Navarro, da USAL (Universidade de Salamanca) e onde participan 12 alumnos/as procedentes de Cáceres, Salamanca, Pontevedra, A Coruña e a comarca do Barbanza.
O Museo, coma en accións formativas previas, quixo poñer o foco en traballar “coas figuras máis representativas do Rexurdimento Gallego”, de aí que o curso agora retomado colla a inspiración, desta volta, na obra de Rosalía de Castro (escolma de poemas do libro Follas Novas) e nun conto do escritor Álvaro Paradela, que se titula Rosa de Laíño, en homenaxe á autora do Sar.
“A nosa idea é realizar unha exposición homenaxe ás figuras de Rosalía de Castro e Álvaro Paradela coa edición dun libro ilustrado coas creacións do curso”, explicou Xoán Pastor Rodríguez, responsábel do Museo de Artes.
O domingo, ás 14.00 horas, realizarase a entrega de diplomas para o alumnado.
