O Centro Social de Outes vén cun completo programa de actividades para este verán. A axenda comezou o pasado 1 de xuño con camiñadas saudábeis para os maiores, levadas a cabo en diversas lugares e datas, para fomentar o deporte e mellorar o benestar dos maiores.
Desta forma, vaise realizar unha charla sobre plantacións ecolóxicas, que impartirá María Consuelo Molinos Núñez, enxeñeira técnica agrícola en ADISBISMUR, e Mary Carmen Estévez Lourido, monitora de viveiros en ADISBISMUR. A conferencia celebrarase no Centro Sociocultural da Vila de Montes o día 16 xuño, ás 18:00 horas. Ademais, levarase a cabo o 22 de xuño, ás 18:00 horas, no Centro Sociocultural de Cando e o 24 de xuño, ás 18:00 horas, no centro Social de Outes.
Doutra banda, dende mañá, día 10 de xuño, ata o 17, celebrarase un curso de elaboracións caseiras con leite. O horario será de 17:00 a 20:00 horas e será impartido por Carmen Freire, especializada en horticultura e transformación ecolóxica dos alimentos. Na mesma liña, terá lugar do 12 ao 19 de xuño, un taller de cociña saudábel con hortalizas e sobremesas. Este será impartido por Manuel Rey Pérez, chef do restaurante Kratos – Brión, e Graciela Sendón.
Este mes tamén haberá un curso práctico sobre o uso do móbil, que se realizará na Casa da Cultura de Outes e diversas xornadas de ioga terapéutico. Ditas actividades deportivas se prolongarán ata o 30 de setembro, ao igual que os pasatempos de música e movementos que sairán ás rúas.
