A figura do que foi fundador de Protección Civil na localidade volveu percorrer as rúas de Ribeira. O memorial que lembra o que fora responsable da Protección Civil percorreu esta mañá as rúas ribeirenses co obxectivo de recadar fondos para a investigación contra a leucemia.
A conta superaba os 10.000 euros, que a asociación Asotrame destinará ao punteiro proxecto liderado no CHUS polo hematólogo Adrián Mosquera. Os vencedores da carreira foron David Méndez e Sabela Pensado, que compartiron o podio con Juan Francisco Fernández e Juan Manuel Outes, así como con María Teresa Cimadevila e Clara Milleiros. Máis dun cento de persoas fixeron o percorrido de cinco quilómetros polo centro da localidade e fíxoos pasar pola sede de Protección Civil.
Quen se mostrou encantada polo devir da xornada foi a amiga de Dieste e presidenta da xunta local da AECC, María José Carreira, quen declarou que «Estamos moi contentos. A participación cubriuse a falta de máis dunha semana e a recadación saíu moi ben». A ribeirense destacou que a difusión do memorial fornecera un gran efecto e puxera no mapa á asociación Asotrame, conseguindo que moita xente descubrise o proxecto dirixido polo doutor Mosquera.
Grazas o recadado o grupo de investigación poderá contratar novo persoal para seguir dando pasos na loita contra o cancro: «Ribeira foi o arranque, pero agora van unirse máis municipios».
