Continúa a vacinación fronte á Covid-19 na Área de Santiago de Compostela e Barbanza. No Hospital de Barbanza son convocados este sábado 1.000 veciños de idade comprendida entre 50-59 anos.
En Santiago son chamados na Cidade da Cultura máis de 7.000 (50-59 anos). No Hospital Clínico case 800 e no Hospital de Conxo: case 500.
En total na área sanitaria Santiago-Barbanza son citados este sábado case 9.300 persoas.
Este venres na área sanitaria estaban citadas preto de 1.000 persoas para vacinación. No Hospital Clinico: 500 ( de 70 a 79 anos) e no Hospital de Conxo: cerca de 500 (60 a 69 anos).
Por outra banda as autoridades sanitarias informaron de dous novos falecidos con covid-19 en Galicia e que elevan a 2.401 o total de vítimas da pandemia na comunidade autónoma.
En concreto, un deles tratouse dun home de 68 anos, que se atopaba ingresado no Hospital Vithas Vigo e que faleceu ao longo do xoves.
O segundo caso, rexistrado este venres, tratouse dunha muller duns 102 anos de idade, no Hospital do Salnés. Ambos presentaban patoloxías previas, segundo engade a Consellería de Sanidade.
