A Área de Benestar Social do Concello de Porto do Son, en colaboración coa Escola Galega de Saúde para Cidadáns (dependente da Consellería de Sanidade), impulsa no mes de maio dúas accións formativas para conmemorar o Día Internacional da Saúde da Muller, este vindeiro 28 de maio. Con este motivo, van desenvolverse dous cursos de balde, nos cales a saúde e os coidados da muller serán os temas centrais.
· 27 de maio. Abordarase a necesidade de promover a saúde física, emocional e social das mulleres
· 31 de maio >> Abordaranse os cambios evolutivos da menopausa.
Ambas sesións serán impartidas por María Dolores Martínez Romero, matrona do Servizo Galego de Saúde.
As persoas interesadas en participar nalgunha destas accións formativas deben formalizar a súa inscrición na Área de Benestar Social (981867414) ata o 25 de maio.
As prazas, limitadas, asignaranse por orde de inscrición. As persoas participantes recibirán o correspondente diploma de asistencia.
