Sae a licitación o proxecto técnico para dotar de saneamento a varias casas de Burés, en Asados, nunha primeira fase que afecta a unhas 30 vivendas da parte vella do lugar. Irán conectadas á rede xeral e está dividido en dous tramos. Un que discorre nas primeiras casas e baixa pola estrada Ac305 e outro no núcleo máis tradicional da aldea. Xa está dispoñible un segundo proxecto para buscar tamén o seu financiamento e completar no posíbel o saneamento integral do lugar.
O expediente para súa consulta polas empresas e para presentar propostas polas interesadas foi colgado no perfil do contratante. Unha vez remate o prazo para presentar propostas procederase a abrir as ofertas na mesa de contratación.
O importe de licitación inicial é de 115.138,95 euros e financiado polo Plan único da Deputación. Se todo transcorre con normalidade as obras poderían estar rematadas no último trimestre do ano, xa recibido o permiso de estradas da Xunta. Pódese seguir a evolución da licitación no perfil de contratante do Concello en rianxo.gal.
