Os operarios de Obras e Servizos coa colaboración de Protección Civil de Porto do Son e doutros colectivos están a levara a cabo estes días un importante de traballo de limpeza e acondicionamento nos areais do termo municipal e nos seus accesos. Entre os traballos máis recentes figuran os que se desenvolveron nas praias de Ornanda, A Aguieira e Seráns. 🌿
A maiores destes traballos, o Concello deu impulso a diversas iniciativas para fomentar a revitalización do turismo, de xeito progresivo e seguro e coincidindo coas festividades de Semana Santa, por exemplo a reapertura das oficinas de turismo de Porto do Son, que están operativas estes días festivos; a colocación de baños na praia de Ornanda, que estarán dispoñíbeis en datas vindeiras, unha vez se dean pasos seguros na desescalada; a apertura do miradoiro do Caamaño; ou o exhaustivo labor de limpeza e posta a punto de accesos, beirarrúas, zonas de lecer e praias que desenvolven estes días os operarios municipais, Protección Civil e os membros da Ecobrigada da asociación inclusiva Amicos.
