O Auditorio de Ribeira dará cabida este sábado, ás 18.00 horas, á gala de entrega dos premios do quinto Certame Audiovisual de Curtas Alberto Romero. Nesta ocasión, debido á pandemia, non haberá público, só nomeados, autoridades e artistas invitados. Iso si, todos poderán seguir en directo a cerimonia a través da páxina web da asociación organizadora e do seu portal de Facebook. A pesar das dificultades derivadas do covid, este ano foron 68 os traballos que concorreron ao certame, a cifra máis elevada desde a súa creación. A gala será presentada por Vanesa Ordóñez e Emilio Palmeira. Actuarán Thais, Loren Tevra e Os Bandamueca.
As orixes
O certame audiovisual de curtas Alberto Romero naceu como unha iniciativa da ANPA Caramecheiro do IES Nº1 de Ribeira no ano 2016, como homenaxe o traballo e dedicación social de Alberto Romero (1961-2015). A esta iniciativa sumáronse inmediatamente as asociacións de nais e pais de San Roque do IES Leliadoura e ANPA do CEIPP de Palmeira, así como a A.C. Lajareu por Barlovento, asociacións das que Alberto formou parte, entre outras.
Co apoio do Concello de Ribeira levouse a cabo a primeira edición en 2017 deste certame na que participaron 19 traballos procedentes dos centros educativos do Concello de Ribeira.
