O sábado chega unha nova fronte a Galicia, polo que se agarda unha xornada de ceos cubertos con chuvias que pola mañá comezarán a rexistrarse na metade oeste e irán chegando a toda a Comunidade co avance do día. As temperaturas non terán cambios moi significativos. Os ventos soprarán de compoñente oeste, con intervalos fortes no litoral da Coruña.
O NOSO MAR: Vento do sudoeste á mañá, do oeste á tarde e do noroeste á noite, forza 4 a 5 á mañá e á tarde e 2 a 4 á noite. Forte marusía á mañá e á tarde e marusía á noite. Visibilidade mala á mañá e á noite e regular á tarde. Mar de fondo do noroeste, con ondas de 3 a 4 metros á mañá e 4 a 5 metros á tarde e á noite.
