O Concello de Ribeira volverá a abrir as portas da piscina municipal da Fieiteira este martes 16 de marzo co trinta por cento de aforo, como así informou a Concellería de Deportes.
As instalacións estarán dispoñibles no horario habitual anterior ao peche: de luns a venres de 07:00 a 13:30 horas e de 19:30 a 21:30 horas; sábados de 10:30 a 13:30 horas e de 17:00 a 21:00 horas; e o domingo de 10:00 a 14:00 horas.
Nun principio non será necesario facer reserva previa, establecendo un control de entrada de acceso. Sen embargo, a Concellería de Deportes non descarta habilitar un sistema de reserva nun futuro se fose necesario.
