A presentación do libro Castelao, construtor da nación celebrarase o sábado 6 de febreiro no centro Sociocultural – Auditorio de Rianxo. O autor, Miguel Anxo Seixas Seoane, expoñerá o seu libro das 12:00 ás 13:00 horas.
A obra Castelao, construtor da nación conta de forma biográfica a historia de Castelao dende a Segunda República e a Guerra Civil. O libro aporta diversa documentación de carácter investigador, así como datos cronolóxicos. Sen embargo, o que máis resalta nel é o papel de Castelao como home fundamental para a construción da nación galega.
Ademais do autor, asistirán ao evento outros persoeiros como o profesor e académico Francisco Rei, o alcalde de Rianxo, Adolfo Muíños, e o director xeral de Editorial Galaxia, Francisco Castro.
