O Concello de Boiro habilitou cambiadores de cueiros en diferentes edificios municipais, co fin de adaptar as instalacións dende unha perspectiva de xénero. Deste xeito, haberá cambiadores dispoñíbeis tanto en aseos masculinos como femininos.
A instalación foi levada a cabo polos operarios municipais, que realizaron a colocación dos cambiadores de cueiros nos baños dos seguintes edificios público: Casa Consistorial, Casa da Cultura, Centro Social de Boiro, Centro Social de Escarabote, Centro Social de Abanqueiro e Centro Social de Cabo de Cruz.
Deste xeito, o Concello pretende aumentar as ferramentas que fomenten a conciliación por parte de toda a veciñanza. Así, todos estes edificios con gran actividade cultural, social e educativa, serán accesibles para todos e todas.
